Kontrolli i ligjshmërisë së përpunimit të (kategorive të veçanta) të të dhënave personale

1. A përpunoni kategori të veçanta të të dhënave personale me pëlqimin e shprehur paraprakisht?

2. A përpunoni kategori të veçanta të të dhënave personale për qëllimet e punësimit dhe sigurimit social edhe në rregullat e mbrojtjes sociale, nëse kjo lejohet me ligj ose kontratë kolektive?

3. A përpunoni kategori të veçanta të të dhënave personale për të mbrojtur interesat thelbësore të subjektit të të dhënave personale ose të personit tjetër fizik, kur subjekti i të dhënave personale fizikisht ose juridikisht nuk ka mundësi të japë pëlqimin e tij?

4. A përpunoni kategori të veçanta të të dhënave personale në kuadër të aktiviteteve legjitime me masat mbrojtëse përkatëse nga fondacioni, shoqata ose ndonjë organizatë tjetër jofitimprurëse me qëllim politik, filozofik, fetar ose sindikal dhe me kusht që përpunimi të ketë të bëjë vetëm me anëtarët e këtyre organizatave ose ish-anëtarët e tyre ose personat që kanë kontakte të rregullta me ta në lidhje me qëllimet e tyre dhe me kusht që të dhënat personale të mos zbulohen jashtë asaj organizate pa pëlqimin e subjekteve të të dhënave personale?

5. A përpunoni kategori të veçanta të të dhënave personale që kanë të bëjnë me të dhënat personale që me sa duket janë bërë publike nga subjekti i të dhënave personale?

6. A përpunoni kategori të veçanta të të dhënave personale për vendosjen, ushtrimin ose mbrojtjen e kërkesave juridike ose gjithnjë kur gjykatat veprojnë në kuadër të kompetencave të tyre?

7. A përpunoni kategori të veçanta të të dhënave personale për arsye të interesit publik në bazë të ligjit në proporcion me qëllimin dhe duke respektuar thelbin e së drejtës për mbrojtjen e të dhënave personale, si dhe duke siguruar masa konkrete dhe përkatëse për mbrojtjen e të drejtave dhe interesave fondamentale të subjektit të të dhënave personale?

8. A përpunoni kategori të veçanta të të dhënave personale për qëllimet e mjekësisë parandaluese ose të punës, për vlerësimin e aftësisë së punës së punonjësit, diagnostikimin mjekësor, ofrimin e kujdesit ose trajtimit shëndetësor ose social ose për qëllimet e menaxhimit të shërbimeve dhe sistemeve për mbrojtjen shëndetësore ose sociale, në bazë të ligjit ose në përputhje me kontratën me punonjësin shëndetësor?

9. A përpunoni kategori të veçanta të të dhënave personale për qëllimet e interesit publik në fushën e shëndetësisë publike, të tilla si mbrojtja kundër kërcënimeve tejkufitare serioze për shëndetin ose sigurimi i standardeve të larta të cilësisë dhe sigurisë së mbrojtjes shëndetësore dhe ilaçeve ose mjeteve ndihmëse mjekësore; në bazë të ligjit, i cili parashikon masa konkrete dhe përkatëse për mbrojtjen e të drejtave dhe lirive të subjektit të të dhënave personale, veçanërisht mbrojtjen e fshehtësisë së punës?

10. A përpunoni kategori të veçanta të të dhënave personale për qëllimet e arkivimit me interes publik, për qëllimet e kërkimeve shkencore dhe historike ose qëllimet statistikore?

11. Nëse përjashtimet e lartpërmendura për përpunimin e kategorive të veçanta të të dhënave personale mund të zbatohen gjatë përpunimit Tuaj të të dhënave personale dhe si ato, në fakt, zbatohen?

12. A duhet të përgatitet Vlerësimi i Ndikimit në Mbrojtjen e të Dhënave Personale për përpunimin e kategorive të veçanta të të dhënave personale?

13. A është i domosdoshëm për Ju përpunimi i kategorive të veçanta të të dhënave personale?

14. A është e nevojshme të merren masat e tjera mbrojtëse dhe të miratohen procedurat shtesë të dokumentuara për të siguruar mbrojtjen e kategorive të veçanta të të dhënave personale?

15. A është i nevojshëm emërimi i oficerit gjatë përpunimit të kategorive të veçanta të të dhënave personale?